IL-MISTERU TA’ BIEB IS-SULTAN
Dan huwa t-tmien ktieb ta’ Tony C. Cutajar fis-Sensiela Misteri maħruġa mill-Klabb Kotba Maltin. Huwa prinċipalment miktub għat-tfal tal-aħħar snin tal-Primarja. Fl-istorja t-tfal tal-klassi qed jistudjaw dwar is-swar, it-torrijiet u l-fortifikazzjonijiet madwar Malta. Il-bieb prinċipali fis-swar tal-Kottonera, magħruf bħala l-Mina ta’ Ħaż-Żabbar jew Bieb il-Belt, għandu leġġenda antika. Skont din il-leġġenda, in-naħa fejn qed tħares l-istatwa tal-Gran Mastru li hemm fuq il-bini hemm teżor moħbi. Huwa misteru kif ħadd qabel ma rnexxielu jsib dan it-teżor. It-tfal tal-klassi jikkompetu bejniethom biex jippruvaw isolvu dan il-misteru. Wara ħafna avventuri, waħda mit-tfal b’kumbinazzjoni ssib it-teżor prezzjuż u malajr issir magħrufa ma’ Malta kollha.
30. November 2009 at 11:20
Qed niehu gost li hareg dan il-ktieb, ghax barra li huwa ktieb sabih biex taqrah huwa memorja ghalija u ghat-tifel tieghi Matthew meta kien Year 6 ghand l-ghalliema habbrieka u brava Ms Jane Pulis. It-tfal ta’ din il-klassi hadmu flimkien mas-Sur Cutajar biex johrog bil-plot ghal dan il-ktieb, specjalment wahda mill-istudenti bravi Svetlana Fenech li kienet propju l-plot taghha li ghogbot l-aktar lis-Sur Cutajar. Ktieb li m’ghandux jintilef mit-tfal li jhobbu l-avventura.